मुख्यमंत्री लाडकी बहीण योजनेच्या ऑनलाईन फॉर्म भरण्यास उत्स्फूर्त प्रतिसाद 

आष्टी प्रतिनिधी 

आष्टी येथे माजी आमदार भीमराव धोंडे यांनी सुरू केलेल्या मुख्यमंत्री लाडकी बहिण योजनेच्या मोफत ऑनलाइन फॉर्म भरण्याच्या प्रक्रियेस महिलांचा उत्स्फूर्त प्रतिसाद लाभत आहे.

        महाराष्ट्र शासनाने मुख्यमंत्री लाडकी बहीण योजना सुरू केली आहे त्यामुळे सर्वत्र महिलांची  फॉर्म भरण्यासाठी गर्दी होत आहे तसेच अनेक ठिकाणी आर्थिक पिळवणूक होत आहे परंतु माजी आ. भीमराव धोंडे यांच्यावतीने आष्टी येथे सर्व महिलांचे लाडकी बहीण  योजनेचे ऑनलाईन अर्ज मोफत भरण्याची  सुविधा उपलब्ध करून दिली.

       याबाबत अधिक माहिती अशी की, महाराष्ट्र शासन राज्यातील गोरगरीब जनतेसाठी विविध योजना राबवत आहे. शासनाने जनहिताचे अनेक निर्णय घेतले आहेत. यामध्ये शेतकरी व महिलांसाठी वेगवेगळ्या योजना आणल्या आहेत. महिलांसाठी मुख्यमंत्री लाडकी बहिण योजना आणली आहे. यामध्ये ज्या महिला पात्र ठरतील अशांना पंधराशे रुपये महिना देण्यात येणार आहे. या योजनेचा लाभ घेण्याकरिता ऑनलाईन अर्ज भरण्यासाठी  महिलांची गर्दी होत आहे. त्यामुळे माजी आमदार भीमराव धोंडे यांच्या वतीने आष्टी येथे स्वतंत्र यंत्रणा कार्यान्वित करुन महिलांना मोफत सेवा पुरविली जात आहे.  परिसरातील महिला  सर्व कागदपत्र जमा करून आष्टी येथील माजी आमदार भीमराव धोंडे यांच्या किनारा चौकातील संपर्क कार्यालयात येऊन आपापले फॉर्म मोफत ऑनलाईन भरुन घेत आहेत आतापर्यंत शेकडो महिलांनी या योजनेचा लाभ घेतला आहे. याबाबत अधिक  माहितीसाठी माजी आमदार भीमराव धोंडे यांचे स्वीय सहाय्यक दादा जगताप, जफर शेख, हौसराव एकशिंगे, राहुल निकाळजे यांच्याशी संपर्क साधावा असे आवाहन करण्यात आले आहे.