पिंपळेश्वराच्या दर्शनासाठी लोटला भक्तांचा महासागर आ.धस यांनी सपत्नीक केला महाभिषेक

आष्टी (प्रतिनिधी) सालाबादप्रमाणे याही वर्षी आष्टी शहरातील पिंपळेश्वर महादेव मंदिराच्या प्रांगणात महाशिवरात्री निमित्त भक्तांचा महासागर लोटला.महाशिवरात्रीच्या प्रारंभी आ.सुरेश धस यांनी सपत्नीक महाभिषेक केला.तर पहाटे 4 ते 7 वाजेपर्यंत सार्वजनिक अभिषेक संपन्न झाले.मात्र

यावर्षी भाविकांच्या प्रचंड गर्दीने आत्तापर्यंतचे सर्व रेकॉर्ड मोडले असल्याचे यावेळी दिसून आले.

बुधवारी महाशिवरात्री निमित्त आष्टी शहरातील ग्रामदैवत असलेल्या पिंपळेश्वर महादेव मंदिरात पहाटे पासूनच भक्तांची रीघ लागली होती.तत्पूर्वी आ.सुरेश धस यांनी प्रारंभी सपत्नीक महाभिषेक केला.या प्रसंगी निवृत्त जिल्हाधिकारी सुनील चव्हाण हे देखील उपस्थित होते.पहाटे 4 ते 7 यावेळेत भाविक भक्तांनी भक्तांचे अभिषेक संपन्न झाले.सकाळी 7 वाजल्यापासूनच मंदिर परिसरात मोठ्या प्रमाणावर भक्तांनी गर्दी केली होती.रात्री उशिरापर्यंत या गर्दीने मंदिर परिसर फुलून गेला होता.मंदिरावर आकर्षक विद्युत रोषणाई करण्यात आली होती. तर सायंकाळी फटाक्याच्या आतषबाजीने सर्वांचे लक्ष वेधले होते.आष्टी तालुक्यासह राज्यातील कानाकोपऱ्यातून आलेल्या भाविकांनी दर्शन घेतले.सायंकाळी पारंपरिक गोंधळ गीतांचा कार्यक्रम संपन्न झाला.तर भाविकांसाठी उपवासाच्या निमित्ताने महाप्रसादाचे देखील आयोजन करण्यात आले होते.आज गुरुवार दि.27 रोजी दुपारी शहरातून पारंपरिक वाद्यासह पिंपळेश्वर महादेवाच्या प्रतिमेची भव्य शोभा यात्रा संपन्न होणार असून या शोभायात्रेत सहभागी होण्याचे आवाहन मंदिर समितीच्या वतीने करण्यात आले आहे.