आष्टी, पाटोदा, शिरूर तालुक्यात सन २०२२ मध्ये सार्वजनिक बांधकाम विभाग मार्फत पूरहानी दुरुस्ती, एफ.डी.आर., ए.एम.सी. पशुवैद्यकीय दवाखाना, वांजरा फाटा ते कुसलंब रस्ता कामातील अनियमितता व निकृष्ट कामाबाबत मा.उच्च न्यायालय खंडपीठ औरंगाबाद येथे दाखल जनहितार्थ याचिकेत शासनास नोटीस 

 

आष्टी, पाटोदा, शिरूर तालुक्यात सन २०२२ मध्ये सार्वजनिक बांधकाम विभागा मार्फत झालेल्या पूरहानी दुरुस्ती,एफ.डी.आर.,ए.एम.सी. कामामध्ये कोट्यावधीचे कामे करण्यात आलेली आहेत परंतु हि कामे नेमकी कोणत्या ठिकाणी केली गेली व या काम मध्ये कंत्राटदार कोण व या कामाबाबतची निविदा कोणत्या दैनिकात प्रसिद्ध करण्यात आली याची माहिती नसल्याने जिल्ह्यासाठी नेमका किती निधी आला होता याची माहिती जनतेला नाही तसेच पशुवैद्यकीय दवाखानाच्या नवीन इमारती साठी २ कोटी ५० लाख रुपया पैकी ८० ते ९० टक्के रक्कम अदा करूनही अद्यापपर्यंत हे काम पूर्ण झालेले नाही तसेच वांजरा फाटा ते कुसलंब रस्ताही अपूर्ण स्थितीत आहे. व वरील कामे अत्यंत निकृष्ट दर्जाचे झालेले असल्यामुळे कैलास दरेकर जिल्हाध्यक्ष शेतकरी सेना मनसे बीड यांनी संबंधित विभागाला निवेदन देऊन सदरील कामाची विभागीय गुणनियंत्रक पथकामार्फत तपासणी करावी अशी मागणी केली. परंतु वेळोवेळी निविदने देऊनही अद्याप पर्यंत हि तपासणी न झाल्यामुळे व दोषीवर कारवाई न झाल्यामुळे कैलास दरेकर जिल्हाध्यक्ष शेतकरी सेना मनसे बीड यांनी मा. उच्च नायायालय खंडपीठ औरंगाबाद येथे जनहित याचिका क्र. ७२/२०२४ ॲड. नरसिंह लक्ष्मणराव जाधव यांच्या मार्फत दाखल केली होती.

सदरील याचिकेची सुनावणी दि. १०.०२.२०२५ रोजी मा. उच्च न्यायालय खंडपीठ औरंगाबाद झाली असता मा. न्यायमूर्ती मंगेश एस. पाटील व न्यायमूर्ती प्रफुल्ल एसं खुबलकर यांच्या समोर झाली असता मा. न्यायालयाने सदरील जनहित याचिकेत प्रतिवादी १. सचिव सार्वजनिक बांधकाम विभाग मंत्रालय मुंबई २. अधीक्षक अभियंता सार्वजनिक बांधकाम विभाग धाराशिव ३. उपअधीक्षक अभियंता सार्वजनिक बांधकाम विभाग औरंगाबाद ४. कार्यकारी अभियंता सार्वजनिक बांधकाम विभाग बीड ५. उप अभियंता सार्वजनिक बांधकाम विभाग आष्टी जि. बीड ६. उप अभियंता सार्वजनिक बांधकाम विभाग पाटोदा जि. बीड ७. उप अभियंता सार्वजनिक बांधकाम विभाग शिरूर का. जि. बीड यांना नोटीस काढल्या असून याचिकेची पुढील सुनावणी दि. ०३.०३.२०२५ रोजी ठेवली आहे.

याचिकाकर्त्याच्या वतीने ॲड. नरसिंह लक्ष्मणराव जाधव यांनी काम पहिले तर त्यांना ॲड. राकेश ब्राम्हणकर ॲड. सोनाली गणेश सोमवंशी ॲड. गौरव शिवाजी खांडे ॲड. रवींद्र बी. वानखेडे यांनी सहकार्य केले तर शासनाच्या वतीने ॲड. एस. आर. वाकळे यांनी काम पहिले.