११२२ पोलीस पाटील रिक्त पदाची भरती त्वरित करावी
 महसूलमंत्र्यांकडे शंकर देशमुख यांची मागणी 

बीड-  बीड जिल्ह्यात कोरोना काळापासून आजपर्यंत जवळपास 85 टक्के गावांमध्ये पोलीस पाटील हे पद रिक्त आहे. पोलीस पाटील हे पद ग्रामीण भागातील जनता व प्रशासनाच्या मधील महत्वाचा दुवा आहे. जेणे करुन प्रशासनास गावातील घडामोडी या त्वरीत कळतात व त्यामुळे प्रशासनास शासन चालवणे सोयिस्कर होते. व ग्रामीण भागातील गुन्हेगारीलाही त्यामुळे आळा बसतो. सद्यास्थितीत आज बीड जिल्हयामध्ये गुन्हेगारीचे प्रमाण वाढलेले आहे. पोलीस प्रशासनही सद्य परिस्थीतीमध्ये ग्रामीण भागापर्यंत पोहचू शकत नाही. आज मितीला बीड जिल्हयात जवळ जवळ 1322 पैकी 1122 रिक्त पदे असून 200 पोलिस पाटील कार्यरत आहेत. पोलिस पाटलांची रिक्त पदभरती झील्यास बीड जिल्हयातील सुशिक्षीत बेरोजगारांना नौकरी मिळून रोजगार मिळेल. बीड जिल्हयातील कायदा व सुव्यवस्था पाहता पोलिस पाटलांची रिक्त पदे भरणे अत्यंत आवश्यक आहे.  तरी याबाबत त्वरित भरती करण्यात यावी असे निवेदन बीड जिल्हा भाजप अध्यक्ष शंकर देशमुख यांनी राज्याचे महसूल मंत्री चंद्रशेखर  बावनकुळे यांच्याकडे केली आहे. देशमुख यांच्या या निवेदनाची महसूल मंत्री यांनी देखील त्वरित दखल घेऊन महसूल विभागाला योग्य ती कारवाई करण्याचे निर्देश मंत्री चंद्रशेखर बावनकुळे यांनी दिले आहेत.