माही पठाण हीचा पहिला रोजा पुर्ण 

आष्टी प्रतिनिधी - मुस्लिम धर्माच्या पवित्र  रमजान महिन्याला अनन्यसाधारण महत्त्व आहे. या महिन्यात मुस्लिम समाजातील लहान चिमुकल्यांना वगळून इतर सर्वांना रोजा (फर्ज) सक्तीचे असतात. परंतु घरात पालकांचे पाहून हे लहान चिमुकले ही मोठ्यांचे अनुकरण करीत रोजा धरतात. आष्टी येथील ऊबेद पठाण यांची मुलगी माही पठाण वय - ७ वर्ष ही पंडित नेहरू विद्यालय आष्टी या शिक्षण संस्थेमध्ये इयत्ता २ री मध्ये शिक्षण घेत असलेली माही या लहान मुलीने आयुष्यातील पहिला रोजा कडक उन्हाळा सुरू असतानाही शुक्रवार दिनांक २८ मार्च रोजी पुर्ण केला आहे. यावर्षीचा पवित्र रमजान महिना शनिवार दि. १ मार्च २०२५ रोजीच्या सायंकाळ पासून आरंभ झाला. माही पठाण हिने दिवससभर अन्नाचा कण व पाण्याचा एक थेंबही न घेता काटेकोर पाळत आपल्या आयुष्यातील पहिला रोजा यशस्वी पुर्ण केल्याबद्दल नातेवाईक व इतरांनी तीचे कौतुक व अभिनंदन केले.